Hokkeı: Búgin «Barys» reseılik «Vıtıaz» komandasymen aıdynǵa shyǵady

NUR-SULTAN. QazAqparat - Elordalyq «Barys» Qurlyqtyq hokkeı lıgasyndaǵy kezekti oıynyn Reseıde «Vıtıaz» (Podolsk) klýbyna qarsy ótkizedi, dep habarlaıdy QazAqparat tilshisi.

Atalǵan oıyn elorda ýaqytymen 22:00-de bastalyp, «Qazsport» telearnasynan tikeleı efırde kórsetiledi.

Eki komanda buǵan deıin 30 márte kezdesti. Onyń 22-i «Barystyń» basymdyǵymen aıaqtalsa, qalǵanynda reseılik klýbtyń mereıi ústem boldy.

Qazir týrnır kestesinde eki oıynda jeńiske jetken «Vıtıaz» tórt upaımen tórtinshi orynda tur. Eki oıynnan bir upaıǵa qol jetkizgen «Barys» on toǵyzynshy orynda keledi.

2021 jyldyń 23 qańtarynda ótken oıynda «Barys» overtaımda 5:4 esebimen basym tússe, elordada reseılik komanda sol jyldyń 27 qarashasynda 1:3 esebimen ese jiberdi.

Aıta ketsek, budan keıin elordalyq klýb 9 qyrkúıekte «Sochı» komandalarymen sheberlik baıqasady.

Al elordada 13 qyrkúıekte «Traktor» (Chelıabınsk) komandasyn qabyldaıdy.

Eske salsaq, «Barys» munyń aldynda alǵashqy kezdesýinde býllıtten mınskilik «Dınamoǵa» ese jiberdi.

Ekinshi kezdesýinde Reseıdiń SKA (Sankt-Peterbýrg) komandasyna jol berdi.