Hokkeı: búgin «Barys» pen «Traktor» ekinshi ret kezdesedi
ASTANA. 22 aqpan. QazAqparat - Búgin astanalyq «Barys» hokkeı klýby túzde «Traktor» komandasymen ekinshi ret oınaıdy.
Chelıabi qalasynda ótken alǵashqy oıynda «Barys» jeńiske jetti. Bizdiń hokkeıshiler óz qarsylasyn 5:4 esebimen utty. Negizi, «Traktor» osal qarsylas emes. Ony keshegi oıynnan da baıqaý qıyn emes. «Barys» qansha alǵa umtylsa da, «Traktor» birden esepti teńestirip otyrdy. Overtaımda ǵana astanalyq klýbtyń joly bolyp, pleı-offtyń alǵashqy oıyny bizdiń paıdamyzǵa sheshildi.
Aıta ketken jón, Qurlyqtyq hokkeı lıgasynyń Shyǵys konferentsııasynda «Salavat ıÝlaev» komandasy «Metallýrgten» basym tússe, «Aq bars» - «Neftehımıkti», al «Avangard» hokkeı klýby «Sibirdi» aıqyn basymdyqpen jeńdi. Batys konferentsııasynda «SKA», «TsSKA» jáne «Dınamo» eki ret qatarynan jeńiske jetip úlgerdi.
