Hokkeı: Búgin «Barys» óz aıdynynda «Avangardty» qabyldaıdy
ASTANA. 31 qazan. QazAqparat - Búgin astanalyq «Barys» komandasy óz aıdynynda Omby qalasynyń «Avangard» quramasymen kezdesedi.
Aıta ketken jón, «Barystyń» jigitteri syrt alańda ótkizgen sońǵy úsh oıynda da utylyp qaldy. Qazirgi kezde bizdiń komandada 32 upaı bar. Qurlyqtyq hokkeı lıgasynyń Chernyshev dıvızıonynda biz besinshi oryndamyz. Al «Avangard» atalǵan dıvızıonda kósh bastap tur. Onyń enshisinde - 38 upaı.
Árıne, «Barys» úshin búgingi oıyn qıynǵa soǵady. Degenmen, buǵan deıin onyń óz aıdynynda qatarynan úsh ret jeńiske jetkendigin eskersek, bul kezdesýde de jankúıerlerin jerge qaratpaıdy degen senim basym bolyp tur. Búgingi oıyn keshki saǵat 19:00-de bastalady. Ony «Astana» telearnasynan tikeleı efır arqyly kórýge bolady.
