Hokkeı: Búgin «Barys» elordada «Neftehımık» komandasymen kezdesedi

ASTANA. QazAqparat - Elordalyq «Barys» Qurlyqtyq hokkeı lıgasyndaǵy kezekti oıynyn Astanada búgin Reseıdiń «Neftehımık» (Nıjnekamsk) klýbyna qarsy ótkizedi, dep habarlaıdy QazAqparat tilshisi.

Atalǵan oıyn elorda ýaqytymen 19:30-da bastalyp, «Qazsport» telearnasynan tikeleı efırde kórsetiledi.

Eki komanda buǵan deıin 36 márte kezdesti. Onyń 21-i «Barystyń» basymdyǵymen aıaqtalsa, qalǵanynda reseılik klýbtyń mereıi ústem boldy.

Qazir týrnır kestesinde on eki oıynnan keıin 15 upaıǵa qol jetkizgen «Barys» 13-orynda keledi. Al on úsh oıyn nátıjesinde 7 upaı jınaǵan «Neftehımık» 21-orynǵa jaıǵasqan.

Keıingi on kezdesýdiń segizinde qazaqstandyq klýb jeńiske jetti.

Eki komanda bıyl 17 tamyzda elordada Qazaqstan Respýblıkasy Prezıdenti týrnırinde kezdesip, onda «Barys» 3:0 esebimen basym túsken edi.

Eske salsaq, budan buryn elordalyq komanda Reseıdiń «Sochı» klýbyn jeńdi.