Hokkeı: Brendon Bochenskı QHL tarıhyndaǵy úzdik mergenderdiń ondyǵyna endi
ASTANA. 15 qańtar. QazAqparat - Qazaqstandyq «Barys» klýbynyń shabýylshysy Brendon Bochenskı QHL tarıhyndaǵy úzdik mergenderdiń ondyǵyna kirip otyr. Bul týraly Qurlyqtyq hokkeı lıgasynyń resmı saıty habarlady.
198 oıynda 96 gol salǵan Bochenskı snaıperlik reıtıngte 46,55 upaımen altynshy orynda tur. Jalpy tizim mynadaı: Sergeı Mozıakın 97,37 (188 - 363), Danıs Zarıpov 68,94 (154 - 344), Alekseı Morozov 64,05 (151 - 356), Aleksandr Radýlov 50,95 (132 - 342), Martsel Hossa 47,11 (126 - 337), Brendon Bochenskı 46,55 (96 - 198), Mıhaıl Varnakov 43,51 (118 - 320), Aleksandr Perejogın 41,9 (124 - 367), Patrık Toresen 40,33 (110 - 300), Pavel Brendl 38,9 (73 - 137). Búgingi kúni Bochenskı - «Barys» komandasynda eń kóp upaı jınaǵan shabýylshy. Onyń enshisinde gol+pas (23 shaıba men 27 pas) kórsetkishi boıynsha 50 upaı bar.
