Hokkeı: Bıylǵy chempıonattaǵy 100-inshi shaıbany T. Jaılaýov soqty
ASTANA. 20 qarasha. QazAqparat - Búgin túnde Chehııanyń Praga qalasynda ótken matchta Astana qalasynyń «Barys» hokkeı klýby jergilikti «Lev» komandasynan basym tústi.
Oıynnyń alǵashqy shaıbasyn «Barystyń» shabýylshysy Talǵat Jaılaýov soqty. Osynyń arqasynda ol bıylǵy chempıonatta komandanyń jalpy shaıbalaryn 100-ge deıin jetkizdi. Ekinshi kezeńde qarsylastar tarazy basyn teńestirdi. Degenmen «Barys» taǵy da alǵa shyqty. Matchtyń aıaqtalýyna bir mınýtaı ýaqyt qalǵanda, Irjı Sekach esep aıyrmasyn qysqarta bildi - 2:2. Bes mınýttyq overtaımda komandalar biraz arpalysty. Alaıda bul teke-tireste «Barystyń» joly boldy. T.Jaılaýov dýbl jasap, ekinshi shaıbanyń avtory atandy. Qorytyndy esep - 3:2 (OT).
