HOKKEI: Bas bapkersiz qalǵan «Barys» Ombyda jeńiske jetti
ASTANA. QazAqparat - Qurlyqtyq hokkeı lıgasynyń (QHL) chempıonatynda Astananyń «Barysy» Ombyda jergilikti «Avangard» klýbymen kezdesip, 4:2 esebimen jeńiske jetti.
QHL telearnasynan kórsetkenindeı, aldymen qonaqtardan Evgenıı Rymarev esep ashsa, birinshi kezeńniń sońǵy mınýtynda aıdyn ıelerinen Denıs Kýlıash tarazy basyn teńestirdi. Ekinshi kezeń bastalysymen Aleksandr Perejogın «Avangardty» alǵa shyǵardy. Degenmen 26-mınýtta «Barystan» Naıdjel Doýs, odan bir mınýt óter-ótpeste Dastın Boıd mergendik tanytty. Sońǵy mınýtta basqa amaly qalmaǵan aıdyn ıeleri qaqpashyny altynshy oıynshyǵa aýystyrdy. Mine, osy sátte Naıdjel Doýs bos qalǵan qaqpany dál kózdep, esepti 4:2-ge jetkizdi. Aıta keteıik, osyǵan deıin «Barys» tórt ret qatarynan jeńilgen bolatyn. Sol sebepti bas bapker Erlan Saǵymbaev ornynan bosatylǵan edi. «Avangardpen» oıynǵa «Barysty» bas bapkerdiń mindetin atqarýshy Evgenıı Koreshkov bastap shyqty.
