Hokkeı: «Barystyń» jeńisti joly jalǵasýda
ASTANA. 27 qyrkúıek. QazAqparat - Astana qalasynyń «Barys» hokkeı klýby syrt alańda «Donbass» (Ýkraına, Donetsk) komandasyn utyp, qatarynan besinshi ret jeńiske jetti.
Bul machta da «Barystyń» hokkeıshileri shabýylǵa sheber komanda ekendigin taǵy bir márte tanytty. Astanalyq klýb oıynnyń birinshi kezeńinde-aq qarsylastar qaqpasyna úsh birdeı shaıba soqty. Onyń barlyǵy úsh mınýttyń ishinde iske asty. Dastın Boıd dýbl jasap, eki shaıbanyń avtory atansa, Talǵat Jaılaýovtyń tamasha pastaryn Fedor Polışýk pen Maksım Spırıdonov sheber iske asyra bildi. «Donbass» tek eki shaıba ǵana soǵa aldy. Qorytyndy esep - 4:2.
Osy oıynnan keıin «Barys» taǵy úsh upaıdy oljalap, QHL-dyń jalpy týrnırlik kestesinde ekinshi orynǵa kóterildi. Onyń enshisinde 21 upaı bar. Odan bir saty joǵary turǵan «SKA»-da (Sankt-Peterbor) - 22 upaı. Alaıda ol «Barystan» bir matchqa artyq oınaǵan.
