Hokkeı: «Barystyń» pleı-off kezeńindegi qarsylasy anyqtaldy
NUR-SULTAN. QazAqparat – Qurlyqtyq hokkeı lıgasy pleı-off básekesiniń birinshi kezeńinde «Barys» «Metallýrg» (Magnıtogorsk) komandasymen oınaıdy, dep habarlaıdy QazAqparat tilshisi.
«Barys» hokkeı klýby málim etkenindeı, QHL turaqty chempıoantynyń qorytyndysy boıynsha elordalyqtar Shyǵys konferentsııasynda altynshy, «Metallýrg» úshinshi orynǵa ıe boldy.
Osylaısha Shyǵys konferentsııasynyń ¼ fınalynda «Barys» pen «Metallýrg» serııalyq kezdesýler ótkizedi.
Alǵashqy eki match 2 jáne 4 naýryzda Magnıtogorskide ótedi. Sodan keıin qarsylastar elordada 6 jáne 8 naýryzda taǵy oınaıdy.
Qajet bolǵan jaǵdaıda 10 naýryzda «Metallýrg» - «Barys», 12 naýryzda «Barys» - «Metallýrg» jáne 14-inde «Metallýrg» - «Barys» kezdesýleri ótedi.
Serııa tórt jeńiske deıin sozylady. ıAǵnı tórt jeńiske qol jetkizgen komanda kelesi kezeńge joldama alady.
Eske sala keteıik, budan buryn «Barystyń» sońǵy týrda «Avangardqa» ese jibergenin jazǵan bolatynbyz.
