Hokkeı: «Barystyń» qaqpashysy úzdik oıynshy atandy
ASTANA. QazAqparat - Qurlyqtyq hokkeı lıgasyjeltoqsan aıynyń úzdikterin jarııa etti, dep habarlaıdy QazAqparat tilshisi.
«Barystyń» qaqpashysyHenrık Karlsson úzdikter qatarynan tabyldy.
H.Karlsson óz komandasymen birge toǵyz matchtyń altaýynda jeńiske jetti. Sonyń ekeýinde Henrıkóz qaqpasyna gol ótkizbeı, aman saqtap qaldy. Qazaqstandyq klýbtyń qaqpashysysoqqynyń 94,90 paıyzyn qaıtardy, bul - osy aıdaǵy ozyq kórsetkish. Karlsson 176mınýt 52 sekýnd boıy óz qaqpasyna gol ótkizbeı turdy, bul - osy maýsymdaǵyaltynshy nátıje.
Sol sekildi Máskeý oblysynyń «Vıtıaz» komandasynan Voıteh Mozık úzdik qorǵaýshy atandy. Ol ózkomandasymen alty utysqa qol jetkizip, 1 márte gol soǵyp, jeti ret nátıjeli pasberdi.
«Dınamo» (Máskeý)komandasynyń namysyn qorǵaıtyn Vadım Shıpachev úzdik shabýylshy ataǵyna ıe boldy.Ol óz klýbymen 9 jeńiske qol jetkizip, 18 upaı (5 gol + 13 pas) jınady.
Al «Iokerıt»(Helsınkı) klýbynyń shabýylshysy, 19 jasar Krıstıan Vesalaınen jańadan qosylǵandararasynan úzdik shyqty. 12 matchta 9 upaı (3+6) jınaǵan ol TsSKA (Máskeý)komandasynyń qaqpasyna jeńis golyn soqty.
Eske sala keteıik, budan buryn Ombyda jergilikti «Avangardpen» ótken kezdesýde Henrık Karlssonnyńqyryqtan astam seıv jasaǵanyn jazǵan bolatynbyz. Ol úshinshi kezeńniń ortasyna deıinóz qaqpasyna gol ótkizgen joq.
Astanalyqtar jańajyldaǵy alǵashqy oıynyn 3 qańtar kúni Máskeýde «Spartakpen» ótkizedi.
