Hokkeı: «Barystyń» burynǵy bas bapkeri jańa qyzmetke keldi
NUR-SULTAN. QazAqparat - Shaıbaly hokkeıden qazaqstandyq «Barys» komandasynyń burynǵy bas bapkeri Andreı Skabelka Reseıdiń «Lokomotıv» (ıAroslavl) klýby tizginin ustady, dep habarlaıdy QazAqparat tilshisi reseılik klýbtyń saıtyna silteme jasap.
Andreı Skabelka «Barys» klýby men Qazaqstan quramasynda 2018-2020 jyldarda qyzmet atqardy. Eki jylda da pleı-off kezeńiniń jartylaı fınalyna deıin jetti. Al shaıbaly hokkeıden Qazaqstan quramasy byltyr álem chempıonatynyń birinshi dıvızıonynda birinshi oryn alyp, bıyl top dıvızıonǵa joldama alǵan edi.
Belarýs mamany budan ózge Reseıdiń «Metallýrg» (Novokýznetsk), «Torpedo» (Nıjnıı Novgorod), «Sibir» (Novosıbırsk), «Avangard» (Omby), óz eliniń «Gomel» jáne ulttyq qurama tizginin ustady.
Budan buryn Andreı Skabelka «Barystyń» bas bapkeri qyzmetinen ketkenin habarlaǵan bolatynbyz.
