Hokkeı: «Barystyń» búgingi oıynyn qaıdan kórýge bolady
NUR-SULTAN. QazAqparat - Qurlyqtyq hokkeı lıgasy aıasynda «Barys» búgin, 28 jeltoqsanda elordada Reseıdiń «Cıbır» (Novosibir) komandasymen kezdesedi, dep habarlaıdy QazAqparat tilshisi.
Oıyn elorda ýaqytymen saǵat 19.30-da bastalyp, «Qazsport» telearnasynan tikeleı efırde kórsetiledi.
Eki komanda buǵan deıin 42 márte kezdesti. Onyń 16-sy «Barystyń» basymdyǵymen aıaqtalsa, qalǵanynda reseılik klýb jeńiske jetti.
Aıta keterligi, sońǵy eki kezdesýde «Sıbırdiń» mereıi ústem boldy.
Bıyl atalǵan komandalar ekinshi ret kezdeskeli otyr. Reseıde 26 qazanda ótken matchta «Cıbır» 3:1 esebimen basym túsken edi.
Aıta keterligi, bıyl «Barystyń» sońǵy on kezdesýdiń toǵyzynda mereıi ústem boldy. Al reseılik klýb sońǵy on kezdesýdiń tórteýinde ǵana jeńiske jetti.
Qazir «Barys» 36 oıynnan keıin 43 upaı jınap, týrnır kestesinde 15-orynda keledi. Al 40 oıynnan keıin 36 upaı enshilegen «Torpedo» komandasy 18-orynda tur.
Esterińizge sala ketelik, budan buryn «Barys» qatarynan bes márte jeńiske jetken bolatyn.
