Hokkeı: «Barystyń» búgingi qarsylasy - «ıÝgra»
ASTANA. 19 qyrkúıek. QazAqparat - Búgin Qurlyqtyq hokkeı lıgasynyń jańa maýsymy aıasynda «Barys» hokkeı klýby syrt alańda alǵashqy oıynyn ótkizedi. Reseıdiń Hanty-Mansıısk qalasynda ol jergilikti «ıÝgra» komandasymen kezdespek.
Aıta ketken jón, QHL-dyń jańa maýsymyna deıin «Barys» pen «ıÝgra» birneshe ret kezdesip, kúsh synasyp kórgen bolatyn. Tamyz aıynda olar QR Prezıdenti kýbogy úshin halyqaralyq týrnırde oınaǵan. Ol kezde eki ret qatarynan «Barystyń» mereıi ústem boldy. Al sońǵy Ivan Romazan atyndaǵy hokkeı dodasynda «ıÝgra» óz esesin qaıtara bildi. Alaıda barlyq matchtarda eki komandanyń da daıyndyǵy birdeı ekendigi barynsha baıqaldy. Tarazy basy da birde «Barysqa», birde «ıÝgraǵa» aýyp turdy. Al JHL-dyń jalpy týrnırlik kestesine qarasaq, astanalyq klýbtyń bir qadam alda ekendigin kórýge bolady. Máselen, «ıÝgra» sońǵy bes oıynda úsh ret jeńiske jetip, eki márte utylsa, «Barys» bes matchtyń tórteýinde qarsylasynan basym boldy. Búgingi oıyn Astana ýaqyty boıynsha keshki saǵat 19:00-de bastalady. Ony «KAZsport» telearnasynan tikeleı efır arqyly kórýge bolady.
