Hokkeı: «Barystyń» búgingi qarsylasy - «Vıtıaz»
ASTANA. 12 tamyz. QazAqparat - Búgin shaıbaly hokkeıden Qazaqstan Respýblıkasy Prezıdentiniń kýbogy úshin halyqaralyq týrnırdiń kezekti oıyndary aıasynda «Barys» hokkeı klýby «Vıtıaz» (Podolsk) komandasymen kezdesedi.
Esterińizde bolsa, sońǵy oıynda «Barys» reseılik «ıÝgradan» basym túsken bolatyn. Ol matchta qarsylastar esep ashyp, birden eki shaıbamen alǵa shyqsa da, «Barystyń» hokkeıshileri ekinshi kezeńde tarazy basyn teńestire bildi. Al úshinshi kezeńde esep ózgermedi. Sondyqtan býllıt soǵýǵa týra keldi. Munda Talǵat Jaılaýov pen Naıdjel Doýstyń mergendigin erekshe atap ótken jón. Árıne, qarsylastyń eki birdeı býllıtin sheber qaıtara bilgen qaqpashy Vıtalıı Eremeevtiń de eńbegi zor. Qorytyndy esep 5:4. Sońǵy eki oıynnyń nátıjesi boıynsha «Barys» týrnırlik kesteni bastap tur.
Aıta keteıik, osymen tórtinshi márte ótip jatqan dodaǵa tórt komanda qatysýda. Olar - astanalyq «Barys», «ıÝgra» (Hanty-Mansıısk), «Amýr» (Habarovsk) jáne «Vıtıaz» (Podolsk). Byltyr osy jarysta QR Prezıdenti kýbogyn «SKA» (Sankt-Peterbýrg) komandasy oljalap ketken balatyn.
Búgingi oıyn Astanadaǵy «Qazaqstan» sport saraıynda keshki saǵat 19:00-de bastalady. Ony «Qazsport» telearnasynan tikeleı efır arqyly kórýge bolady. Fınaldyq kezdesýler erteń, 13 tamyzda ótedi.
