Hokkeı: «Barystyń» búgingi qarsylasy - «Vıtıaz»
ASTANA. 22 qazan. QazAqparat - Búgin Qurlyqtyq hokkeı lıgasy aıasynda astanalyq «Barys» hokkeı klýby syrt alańda «Vıtıaz» (Máskeý oblysy) komandasymen kezdesedi.
Sońǵy tórt jylda «Barys» pen «Vıtıaz» on ret kezdesken bolatyn. Sonyń toǵyzynda «Barys» jeńiske jetti. Aıta keter taǵy bir jáıt, 2009 jyly qańtardyń 4-i kúni bolǵan matchta 17 (!) shaıba soǵyldy. Sol kezde «Barystyń» hokkeıshileri óz qarsylasyn 11:6 esebimen oısyrata utty.
Al qazirgi statıstıkaǵa keler bolsaq, osy ýaqytqa deıin «Vıtıaz» 18 oıynda 7 ret jeńiske jetip, 22 upaımen Bobrov dıvızıonynda besinshi orynda keledi. «Barys» bolsa, 18 oıynyń 9-ynda jeńis tuǵyrynan kórine bildi. Búginde ol Chernyshev dıvızıonynda 29 upaımen úshinshi orynǵa turaqtady. Demek, osy oıynda da bizdiń hokkeıshiler jeńiske jetýi ábden múmkin.
