Hokkeı: «Barystyń» búgingi qarsylasy - «Torpedo»
ASTANA. 14 qazan. QazAqparat - Búgin Astana qalasynyń «Barys» hokkeı klýby óz alańynda «Torpedo» (Nıjnıı Novgorod) komandasyn qabyldaıdy.
Aıta keteıik, osy ýaqytqa deıin «Torpedo» on bes oıyn ótkizip, sonyń jeteýinde jeńiske jetken. Búginde komanda 23 upaımen jalpy týrnırlik kestede 15-shi orynda tur. Al «Barystyń» enshisinde 31 upaı bar. Astanalyq klýb on tórt machta on bir márte qarsylasynan basym túsken bolatyn. Sonyń arqasynda týrnırlik kesteniń birinshi ornyna da shyqqan. Qazir «Barystyń» hokkeıshileri upaı sany jaǵynan «SKA» (Sankt-Peterbor), «Dınamo» (Máskeý) men «Aq Bars» (Qazan) komandalaryna jol berip, 28 quramanyń ishinde tórtinshi orynda keledi. Búgingi oıyn keshki saǵat 19:00-de bastalady. Ony «KAZsport» telearnasy tikeleı efır arqyly kórsetedi.
