Hokkeı: «Barystyń» búgingi qarsylasy - «SKA»
ASTANA. 12 qyrkúıek. QazAqparat - Búgin Qurlyqtyq hokkeı lıgasynyń jańa maýsymy aıasynda «Barys» hokkeı klýby óz alańynda «SKA» (Sankt-Peterbor) komandasymen kezdesedi.
Aıta keteıik, «SKA» bıylǵy chempıonattyń favorıti bolyp sanalady. Jalpy týrnırlik kestede ol tek máskeýlik «Dınamoǵa» ǵana jol berip, 9 upaımen ekinshi orynda tur. Bul komanda buǵan deıingi chempıonatta pleı-offqa jetip, lıganyń azýly komandalarymen kúsh synasqan bolatyn. Byltyr Astanaǵa kelip, QR Prezıdenti kýbogyn da enshilegen. «Barystyń» bir oıyny kem. Demek, bizde qosymsha upaı jınaýǵa múmkindik bar. Qazir Astana qalasynyń hokkeı klýby jalpy týrnırlik kestede besinshi orynǵa ornalasty. Onyń enshisinde 6 upaı bar. Búgingi oıynda jeńsek, «SKA»-ny yǵystyryp, birden ekinshi orynǵa shyǵamyz. Aıta keteıik, «Barys» pen «SKA» arasyndaǵy oıyn búgin keshki saǵat 19:00-de Astanadaǵy «Qazaqstan» sport kesheninde ótedi. Ony tikeleı efır arqyly «Qazsport» telearnasynan kórýge bolady.
