Hokkeı: «Barystyń» búgingi qarsylasy - «Salavat ıÝlaev»
ASTANA. 1 qarasha. QazAqparat - Búgin Astana qalasynyń «Barys» hokkeı klýby óz alańynda «Salavat ıÝlaev» (Bashqurtstan, Ýfa) komandasyn qabyldaıdy.
Statıstıkaǵa sáıkes, osy ýaqytqa deıin eki komanda 16 ret kúsh synasqan bolatyn. Sonyń 10 kezdesýinde «Salavat ıÝlaevtyń» joly bolsa, «Barys» óz qarsylasyn 6 márte jeńdi. Degenmen, bıylǵy chempıonatta astanalyq klýbtyń kórsetkishi joǵary bolyp tur. Qurlyqtyq hokkeı lıgasynyń jalpy týrnırlik kestesinde «Barys» 49 upaımen 4-shi orynda keledi. Al «Salavat ıÝlaevtyń» enshisinde 43 upaı bar. Komanda 6-shy orynǵa ornalasty.
Aıta keteıik, búgingi oıyn keshki saǵat 19:00-de bastalady. Ony «KAZsport» telearnasy tikeleı efır arqyly kórsetedi.
