Hokkeı: «Barystyń» búgingi qarsylasy - Magnıtogordyń «Metallýrgy»
ASTANA. 26 qazan. QazAqparat - Búgin Astana qalasynyń «Barys» hokkeı klýby óz alańynda «Metallýrg» (Reseı, Magnıtogorsk) komandasyn qabyldaıdy.
Jalpy, osy ýaqytqa deıin eki komanda 17 ret kezdesti. 11 oıynda «Metallýrgtyń» mereıi ústem bolsa, «Barys» 6 márte jeńiske jetken. Degenmen, bıylǵy chempıonatta Astana qalasynyń hokkeı klýby joǵary kórsetkishterge jetip, Qurlyqtyq hokkeı lıgasynyń jalpytýrnırlik kestesinde birneshe ret kósh bastady. Qazirdiń ózinde ol tek «Aq Bars» (Qazan) komandasyna jol berip, ekinshi oryndy saqtap keledi. «Barystyń» enshisinde 46 upaı bar. Al onyń búgingi qarsylasy - «Metallýrg» 35 upaımen 7-shi orynda ornalasty. Aıta keteıik, Joǵary hokkeı lıgasynda «Metallýrg» atty eki komanda oınaıdy. Birinshisi - Reseıdiń Novokýznetsk qalasynyń quramasy. Jaqynda «Barys» ony 5:3 esebimen utqan bolatyn. Ekinshisi - Magnıtogorsk qalasynyń hokkeı klýby. Onyń quramynda Danıs Zarıpov, ıAn Kovarj, Sergeı Mozıakın syndy azýly hokkeıshiler oınaıdy. Búginde olar Qurlyqtyq hokkeı lıgasynyń úzdik shabýylshylary men mergenderi sanatyna kiredi.
