Hokkeı: «Barystyń» búgingi qarsylasy - «Dınamo»
ASTANA. 7 jeltoqsan. QazAqparat - Búgin astanalyq «Barys» hokkeı klýby óz aıdynynda Belarýstyń «Dınamo» (Mınsk) komandasyn qabyldaıdy.
Aıta keteıik, buǵan deıin syrt alańda ótken oıynda «Barystyń» hokkeıshileri «Dınamodan» 1:2 esebimen utylǵan bolatyn. Oǵan qaramastan, búginde «Barys» 47 upaı jınap, týrnırlik kesteniń 14-shi ornyna jaıǵasty. «Dınamo» bolsa, osy ýaqytqa deıin 38 upaı jınap úlgerdi. Ol komanda 20-shy bolyp keledi.
Negizi, «Dınamo» komandasyn myqty qarsylas dep aıtýǵa bolmaıdy. Buǵan deıingi oıyn syrt alańda ótkennen keıin «Barys» úshin ol kezdesý qıyndaý boldy. Al búgin biz qarsylas komandany óz muz aıdynymyzda qabyldaımyz. Sondyqtan «Barystyń» jigitteri ese qaıtarady degen senim mol.
Esterińizge sala keteıik, búgingi oıyn keshki saǵat 19:00-de bastalady. Ony «Astana» telarnasynan tikeleı efır arqyly kórýge bolady.
