Hokkeı: «Barystyń» búgingi qarsylasy - «TsSKA»
ASTANA. 24 qarasha. QazAqparat - Búgin Astana qalasynyń «Barys» hokkeı klýby óz alańynda máskeýlik «TsSKA» komandasyn qabyldaıdy.
Aıta ketken jón, «Barystyń» syrt alańda ótken oıyndary aıasynda komandalar sońǵy ret Máskeýde kezdesken bolatyn. Ol oıynda «TsSKA» hokkeı klýby «Barysty» 0:3 esebimen utyp ketti. Árıne, onda da Aleksandr Radýlovtyń kómegi tıdi. Jalpy, osy ýaqytqa deıin bul eki komanda 11 márte bir-birine qarsy oınaǵan. «TsSKA» 8 ret jeńiske jetse, «Barys» 3-aq ret óz basymdyǵyn tanyta bildi. Soǵan qaramastan, osy joly Astana qalasynyń hokkeı klýby ese qaıtarýǵa múddeli. «Biz ylǵı tek jeńiske ǵana umtylamyz. Olardyń jerinde 0:3 bolyp utyldyq. Endi, óz jerimizde ese qaıtaratyn bolamyz», - deıdi «Barystyń» shabýylshysy Roman Starchenko «Sports.kz» portalyna bergen suhbatynda.
