Hokkeı: «Barys» jetinshi márte qatarynan jeńilis tapty
ASTANA. QazAqparat - Qurlyqtyq hokkeı lıgasynyń (QHL) kezekti kezdesýinde Astananyń «Barysy» óz aıdynynda «Metallýrg» (Magnıtogosk) komandasyn qabyldap, 3:4 esebimen utylyp qaldy, dep habarlaıdy «QazAqparat» tilshisi.
Osynyń aldynda alty márte qatarynan jeńilis tapqan astanalyqtar bul oıynda alǵashqy bolyp esep ashty. Komandanyń beldi shabýylshylarynyń biri Lınden Veı Naıdjel Doýs pen Roman Savchenkonyń kómegimen birinshi mınýtta-aq mergendik kórsetip, jeńisten úmittendirgendeı edi. Alaıda 7-mınýtta Denıs Kazıonov tarazy basyn teńestirse, 17-mınýtta Denıs Kokarev «Metallýrgti» alǵa shyǵardy.
Ekinshi kezeńde qonaqtar (Vladıslav Kaletnık pen D.Kazıonov) bir mınýttyń ishinde eki gol soǵyp, esepti 4:1-ge jetkizdi. Budan keıin «Barystyń» bas bapkeri Evgenıı Koreshkov shvetsııalyq qaqpashy Henrık Karlssonnyń ornyna Sergeı Kýdrıavtsevti shyǵardy.
Oıynnyń sońǵy bóliginde astanalyqtar namysqa tyrysyp, shabýyldap baqty. Bul óz jemisin berdi. Bir mınýttyń ishinde Artem Lıhotnıkov pen Talǵat Jaılaýov mergendik tanytyp, esepti 3:4-ke deıin qysqartty. Budan árige «Barystyń» shamasy jetpedi.
Osylaısha, astanalyqtar qatarynan jetinshi márte qarsylastaryna ese jiberdi.
Aıta keteıik, Shyǵys konferentsııasynda altynshy satyǵa syrǵyǵan «Barys» 5 jeltoqsan kúni segizinshi orynda kele jatqan «Traktor» (Chelıabi) komandasyn qabyldaıdy. Bul matchtyń da tartysty óteri anyq.
