Hokkeı: «Barys» jańa bapkermen alǵashqy jeńisine jetti
NUR-SULTAN. QazAqparat - Búgin shaıbaly hokkeıden elordalyq «Barys» Óskemenniń «Torpedo» komandasymen ekinshi joldastyq kezdesýin ótkizip, jeńiske jetti, dep habarlaıdy QazAqparat tilshisi.
Elordalyq klýb qarsylasyn 6:4 esebimen jeńdi.
Birinshi kezeńde «Barys» sapynan Kertıs Volk esep ashty. Ekinshi kezeńniń bastapqy ýaqytynda Dmıtrıı Grents tarazy basyn teńestirdi. Odan keıin Mettıý Frettın «Barysty» qaıta alǵa shyǵardy. Al «Torpedo» hokkeıshisi Aleksandr Shın soqqan shaıbadan keıin esep qaıyra teńesti.
Úshinshi kezeńde «Barys» hokkeıshileri Lınýs Vıdell eki, Roman Starchenko, Anton Sagadeev, óskemendik klýb qatarynan Dmıtrıı Stýlov jáne Andreı Vınogradov mergendik tanytty. Nátıjesinde 6:4 esebimen «Barys» jeńiske jetti. Aıta ketý kerek, bul - ıÝrıı Mıhaılıstiń bapker esebinde qol jetkizgen alǵashqy jeńisi.
Eki komanda alǵashqy joldastyq kezdesýin 21 tamyzda ótkizgen edi. Bul oıynda «Torpedo» 2:1 esebimen basym tústi.
Endi «Barys» 27 jáne 29 tamyz kúnderi Qaraǵandynyń «Saryarqa» komandasymen joldastyq kezdesý ótkizedi.
Elordalyq klýb 31 tamyzda Reseıdiń «Avtomobılıst» klýbymen muz aıdynyna shyǵady.
Esterińizge sala ketelik, «Barys» bıyl da qurlyqtyq hokkeı lıgasyna qatysady. Onda alǵashqy oıynynda 3 qyrkúıekte Latvııanyń «Dınamo» (Rıga) klýbymen oınaıdy.
