Hokkeı: «Barys» Ýfanyń «Salavat ıÝlaev» komandasyn utty
ANA. 6 qańtar. QazAqparat /Rýslan Ǵabbasov/ - Qurlyqtyq hokkeı lıgasy aıasyndaǵy ótken keshegi oıynda «Barys» komandasy óz alańynda Ýfanyń «Salavat ıÝlaev» komandasyn utty.
Oıyn alǵyshqy kezeńnen bastap tartysty ótti. Bul tartysty doda barysynda oıyn erejesin buzǵandar aıyp ornyna jıi baǵyttalyp otyrdy. Atap aıtqanda osy kezeńniń 16-mınýtynda alań ıeleri esep ashty. Al ekinshi kezeńde qonaqtar eki shaıba salyp, alǵa shyqty. Sonymen qatar úshinshi kezeńniń basynda «Salavat ıÝlaev» hokkeıshileri kóp kidirmesten úshinshi shaıbany qaqpaǵa kirgizdi. Alaıda qonaqtardyń bul basymdyǵy kópke sozyla qoıǵan joq. «Barys» oıynshylary eki shaıbany qatarynan salyp, esepti teńestirdi (3:3). Negizgi oıynnan keıin berilgen qosymsha ýaqytta qos komanda da shaıba salýǵa qaýqarly bolmady. Tek býllıt saıysynda astanalyq komanda basym tústi. Sonymen bul tartysty dodany 4:3 esebimen «Barys» komandasy utty. 7 qańtarda ótetin kelesi oıynda astanalyq komanda óz alańynda Chelıabınsktiń «Traktor» komandasyn qabyldaıdy.
