Hokkeı: «Barys» «Traktor» komandasynan utyldy
NUR-SULTAN. QazAqparat – «Barys» Qurlyqtyq hokkeı lıgasyndaǵy kezekti matchynda Chelıabi qalasynda kósh basyndaǵy komandalardyń biri «Traktormen» kúsh synasty, dep habarlaıdy QazAqparat tilshisi.
Aıdyn ıeleri Shyǵys konferentsııasynda 61 upaımen ekinshi orynda tursa, 40 upaıy bar «Barys» segizinshi satyda keledi.
Birinshi kezeńde «Traktor» sapynan 9-mınýtta Nıkıta Tertyshnyı esep ashty. Arada mınýt óter-ótpeste «Barystyń» eki birdeı oıynshysy aıdynnan qýylǵanyn komanda kapıtany Lýkash Sedlak múlt jibermedi – 2:0.
Ekinshi taımda 35-mınýtta L.Sedlak esepti 3:0-ge jetkizdi. Úsh mınýttan keıin «Barys» sapyndaǵy shvetsııalyq legıoner ıAkýb Berglýnd mergendik tanytty.
Úshinshi kezeń bastalysymen Anton Sagadev esepti 2:3-ke deıin qysqartyp, «Barysqa» úmit syılady. Alaıda match sońynda Teemý Pýlkkınenge qonaqtardyń bos qalǵan qaqpasyn kózdeý qıyndyqqa túsken joq – 4:2.
ıÝrıı Mıhaılıstiń shákirtteri kelesi kezdesýin 27 jeltoqsan kúni elordada negizgi qarsylastarynyń biri, Shyǵys konferentsııasynda 9-oryndaǵy «Avtomobılıst» (Ekaterınbýrg) komandasymen ótkizedi.
Eske sala keteıik, budan buryn «Barystyń» Qazanda «Ak Bars» komandasynan jeńilip qalǵanyn, kezekti oıynyn syrt aıdynda «Traktormen» ótkizetinin jazǵan bolatynbyz.
