Hokkeı: «Barys» «Torpedodan» jeńilip qaldy
NUR-SULTAN. QazAqparat - Búgin shaıbaly hokkeıden elordalyq «Barys» Óskemenniń «Torpedo» komandasymen joldastyq kezdesý ótkizdi, dep habarlaıdy QazAqparat tilshisi.
Búgingi kezdesýde «Barys» alǵashqy bolyp esep ashty. Ony 6-shy mınýtta Egor Petýhov óziniń enshisine jazdy. Al «Torpedo» sapynan 33-mınýtta Aleksandr Mereskın tarazy basyn teńestirdi. Oıyn overtaımǵa ulasty. Overtaımda óskemendik klýb sapynan Aleksandr Arhıpov jeńis shaıbasyn soǵyp ketti. Osylaısha «Barys» qarsylasyna 1:2 esebimen jol berdi.
Klýb basshylyǵy «Barys» 5-20 tamyz aralyǵynda oqý-jattyǵý jıynyn ótkizdi. Búgin Óskemenniń «Torpedo» klýbymen kezdesse, 23 tamyzda olarmen taǵy bir márte sheberlik baıqasady.
Al 27 jáne 29 tamyz kúnderi Qaraǵandynyń «Saryarqa» komandalarymen joldastyq kezdesý ótkizedi.
Elordalyq klýb 31 tamyzda Reseıdiń «Avtomobılıst» klýbymen muz aıdynǵa shyǵady.
Esterińizge sala ketelik, «Barys» bıyl da qurlyqtyq hokkeı lıgasyna qatysady. Onda alǵashqy oıynyn 3 qyrkúıekte Latvııanyń «Dınamo» (Rıga) klýbyna qarsy ótkizedi.
