Hokkeı: «Barys» «Torpedodan» basym tústi

ASTANA. QazAqparat - «Barys» Qurlyqtyq hokkeı lıgasyndaǵy kezekti oıynyn búgin elordada Reseıdiń «Torpedo» (Nıjnıı Novgorod) klýbyna qarsy ótkizdi, dep habarlaıdy QazAqparat tilshisi.

Kezdesý barysynda komandalar tartysty oıyn ótkizdi. Elordalyq klýb alǵashqy bolyp esep ashýǵa tyrysty.

Nátıjesinde 5-mınýtta qazaqstandyq Kırıll Savıtskııı mergendik tanytty. Oǵan «Torpedo» hokkeıshisi Igor Larıonov 17-mınýtta bir shaıbamen jaýap qaıyrdy.

Ekinshi kezeńde komandalar shabýylǵa kóbirek shyqty. Degenmen tablodaǵy esepke ózgeris engen joq.

Úshinshi kezeńniń 45-mınýtta qazaqstandyq Álıhan Ásetov mergendik tanytyp, «Barysty» alǵa shyǵardy. Kezdesýdiń 56-mınýtynda qazaqstandyq komandadan Lınden Veı esepti ústemelese, 57-mınýtta Anton Sagadeev oıynnyń núktesin qoıdy.

Osylaısha «Barys» qarsylasynan 4:1 esebimen basym túsip, qatarynan úsh márte jeńiske jetti. Týrnır kestesinde 6-orynǵa kóterildi.

Endi «Barys» aldaǵy oıynyn 21 qazanda elordada Reseıdiń «Metallýrg» (Magnıtogorsk) komandasyna qarsy ótkizedi.

Eske salsaq, budan buryn elordalyq klýb Reseıdiń «Amýr» (Habarovsk) komandasynan basym tústi.