Hokkeı: «Barys» syrt alańdaǵy alǵashqy oıynyn jeńispen bastady
ASTANA. 19 qyrkúıek. QazAqparat - Búgin Qurlyqtyq hokkeı lıgasynyń jańa maýsymy aıasynda «Barys» hokkeı klýby syrt alańda alǵashqy oıynyn ótkizip, «ıÝgra» komandasyn jeńdi.
Hanty-Mansıısk qalasynda ótken matchtyń birinshi kezeńinde «Barys» birden shabýylǵa kóship, sheber qorǵana bildi. «ıÝgranyń» hokkeıshileri bolsa, qorǵanys kezinde erejeni buzyp, bir aıyp shaıbasymen (býllıt) jazalandy. «Barystyń» kapıtany Dmıtrıı Ýpper ol býllıtti iske asyrdy. Esep - 1:0. Osydan keıin Alekseı Lıtvınenko jáne Brendon Bochenskı tarazy basyn 3:0-ge jetkizdi. «ıÝgranyń» eńsesi tústi. Alaıda birinshi kezeńniń sońynda olar esepti bir shaıbaǵa qysqartty. Ekinshi kezeńde qarsylastar taǵy bir shaıbany jiberip qoıdy. Al úshinshi kezeńde Dastın Boıd dýbl jasap, esep aıyrmasyn 6:1-ge deıin jetkizdi. Oıynnyń sońyna deıin «ıÝgra» tek bir shaıbamen ǵana kózge tústi. Qortyndy esep - 6:2.
Osylaısha, «Barys» syrt alańdaǵy alǵashqy oıynyn jeńispen bastady. Shyǵys konoferentsııasynda astanalyq klýb Qazan qalasynyń «Aq barsyn» artqa tastap, 15 upaımen kósh bastady. Al jalpy týrnırlik kestede «Barys» tek «SKA» (Sankt-Peterbor) komandasyna ǵana jol berip, ekinshi orynǵa kóterildi.
Aıta keteıik, qyrkúıektiń 22-si kúni «Barys» óz alańynda «Avtomobılıstti» qabyldaıdy.
