Hokkeı: «Barys» syrt alańda «Neftehımıkten» utyldy
ASTANA. 31 qańtar. QazAqparat - Astanalyq «Barys» hokkeı klýby Qurlyqtaǵy hokkeı lıgasynyń turaqty chempıonatynyń matchynda syrt alańda «Neftehımık» komandasynan jeńildi,
dep habarlady qazaqstandyq klýbtyń resmı saıty.
Atalyp ótkendeı, bul matchta birinshi shaıbany «Barys» komandasy saldy. Esepti Konstantın Romanov ashty, 0:1.
Oıyn barysynda bizdiń qarsylastarymyz jaǵdaıdy ońtaıly paıdalanyp, esepti teńestirdi. Esep 1:1.
Qorytyndy jıyrma mınýttyqta qatarynan eki ret «Barys» oıynshylary alańnan shyǵaryldy. Osylaısha bul kezdesý 2:1 esebimen jeńilispen aıaqtaldy.
