Hokkeı: «Barys» syrt alańda chehtyń «Arystanyn» aıqyn basymdyqpen jeńdi
ASTANA. 23 qyrkúıek. QazAqparat - Keshe Qurlyqtyq hokkeı lıgasy aıasynda Chehııanyń Praga qalasynda jergilikti «Lev» quramasymen kezdesken astanalyq «Barys» hokkeı klýby óz qarsylasyn 4:2 esebimen jeńdi.
Búginde chehtyń «Arystany» («Lev») óz tobynda kósh bastap tur. Oǵan qaramastan, «Barystyń» jigitteri oıynnyń alǵashqy úsh mınýty ótpeı, esep ashty. Talǵat Jaılaýov birinshi shaıbanyń avtory atandy. Odan keıin Brendon Bochenskı qarsylastyń qaqpasyna ekinshi shaıbany kirgizip, esepti 2:0-ge deıin jetkizdi. Chehtyń «Arystany» tek eki nátıjeli shabýyldy ǵana iske asyra aldy. Biraq oıyn barysynda qazaqstandyq hokkeıshiler tarazy basyn 4:2-ge deıin jetkizip, tize búktirdi. Munda da Brendon Bochenskı jáne Naıdjel Doýs erekshe kózge tústi.
Aıta keteıik, «Barys» kelesi oıynyn 24 qyrkúıek kúni Bratıslava qalasynda jergilikti «Slovan» hokkeı klýbymen ótkizedi.
