Hokkeı: «Barys» sońǵy 14 oıynnyń 12-sinde jeńilis tapty
ASTANA. QazAqparat - Qurlyqtyq hokkeı lıgasynda (QHL) óner kórsetetin Astananyń «Barysy» sońǵy 14 oıynnyń 12-sinde jeńilis tapty, dep habarlaıdy «QazAqparat» tilshisi.
Sonyń sońǵy ekeýinde óz aıdynynda qarsylastaryna ese jiberdi. 23 jeltoqsan kúni «Neftehımık» (Nıjnekamsk) komandasynan 0:4 esebimen oısyraı jeńilse, keshe pleı-off básekesine shyǵý jolyndaǵy negizgi qarsylastarynyń biri «Salavat ıÝlaev» (Ýfa) klýbyna da (0:2) esh qaıran qyla almady.
Osy oıynnan keıin qorjynynda nebári 63 upaıy bar astanalyqtar Shyǵys konferentsııasynda «Amýr» (Habarovsk) komandasymen segizinshi-toǵyzynshy oryndardy bólisýde. Áıtse de «Amýrdyń» úsh oıyny kem Sondaı-aq 60 upaımen onynshy orynda turǵan «Sıbır» (Novosibir) komandasy «Barystan» bir kezdesýdi kem ótkizdi. Demek, ol da astanalyqtardy qýyp jete alady. Ár konferentsııada alǵashqy segiz komanda pleı-off básekelerine joldama alatynyn eskersek, mynadaı kúıimen «Barystyń» oǵan iligýi ekitalaı.
Elordalyqtardyń bas bapkeri, qazaqstandyq maman Evgenıı Koreshkov mundaı sátsizdiktiń sebebin komanda kóshbasshylarynan izdedi. ıAǵnı jeńilistiń basty syry birinshi bestiktiń sylbyr oınaýynda. Olar úlgi kórsetip, gol soǵýdyń ornyna óz qaqpalaryna shaıba jiberip alýda. Tipti «Neftehımıkpen» matchta san basymdylyǵy kezinde eki márte óreskel qatelesip, Henrık Karlssonnyń qaqpasyna qos birdeı gol ótkizip aldy. Komandanyń «Salavat ıÝlaevpen» oıynda da gol soǵa almaýy shabýyl shebiniń azýsyzdyǵyn kórsetedi. Sondyqtan «Barystyń» kóshbasshy hokkeıshilerine qatysty shara alynýy múmkin.
Bálkim, qara bult E.Koreshkovtyń óziniń de basyna tónip turǵan bolar, kim biledi. Qalaı bolǵanda da «Barysty» tuıyqtan shyǵarý úshin yqpal etý qajet-aq.
Aıta keteıik, «Barys» aldaǵy kezdesýin 27 jeltoqsan kúni taǵy da óz aıdynynda Shyǵys konferentsııasynda 79 upaımen kósh bastap kele jatqan «Aq Barys» (Qazan) komandasymen ótkizedi.
