Hokkeı: «Barys» Sochıde jergilikti klýbtan utylyp qaldy
ASTANA. QazAqparat - Qurlyqtyq hokkeı lıgasynyń (QHL) kezekti oıynyn Astananyń «Barysy» Sochı qalasynda jergilikti «Sochı» hokkeı klýbymen ótkizdi, dep habarlaıdy «QazAqparat» tilshisi.
«Qazsport» telearnasynan tikeleı efırde kórsetkenindeı, match barysynda Evgenıı Koreshkovtyń shákirtteri sátti óner kórsete alǵan joq. Birinshi kezeńde aıdyn ıelerinen Mıhaıl ıÝnkov esep ashty. Sodan keıin ekinshi kezeńde ol taǵy bir golyn soqty. Osy eki sátte de «Barystan» aıdynda birinshi bestik boldy. ıAǵnı komanda kapıtany Naıdjel Doýs bastaǵan hokkeıshilerdiń ózderi kósh bastaı almady. Tipti san basymdylyǵyn paıdalanýdyń ornyna, astanalyqtar óz qaqpasyna gol (avtory Keısı Ýellman) ótkizip aldy. Budan keıin qaqpashy Sergeı Kýdrıavtsevti shvetsııalyq legıoner Henrık Larsson almastyrdy.
Úshinshi kezeńde «Sochıden» Sergeı Shmelev aıdynnan qýylǵan sátte Evgenıı Koreshkov qaqpashynyń ornyna altynshy oıynshyny shyǵardy. Bul tásil ózin aqtap, Marten Sen-Per esepti 1:3-ke deıin qysqartty. Match aıaqtalýǵa eki mınýt qalǵanda, «Barys» qaqpashynyń ornyna altynshy oıynshyny shyǵaryp kórdi. Alaıda budan eshteńe shyqpady. Sońǵy kezeńde emes, astanalyqtarǵa birden belsendi oınap, qorǵanysta qatelikterge jol bermeý kerek edi.
Osylaısha, munyń aldynda qatarynan bes márte utylǵan «Sochı» 3:1 esebimen jeńiske jetti. «Barys» kelesi oıynyn 10 qazan kúni Ombyda QHL-da kósh bastap kele jatqandardyń biri «Avangard» komandasymen ótkizedi. ıAǵnı bul kezdesýde elordalyqtar upaı alady deý qıyn.
