Hokkeı: «Barys» «Sıbır» komandasynan jeńilip qaldy

ASTANA. QazAqparat – «Barys» Qurlyqtyq hokkeı lıgasyndaǵy kezekti oıynyn búgin elordada Reseıdiń «Sıbır» (Novosibir) komandasyna qarsy ótkizdi, dep habarlaıdy QazAqparat tilshisi.

Kezdesý barysynda reseılik hokkeıshiler belsendi qımyl kórsetti. Nátıjesinde birinshi kezeńde Denıs Golýbev 2, 17, Trevor Merfı 16, Vladımır Býtýzov 53-mınýttarda kózdegen nysanadan múlt ketken joq.

Oǵan «Barys» sapynan Nıkıta Mıhaılıs 29, Egor Petýhov 39-mınýtta eki shaıbamen jaýap qaıyrdy.

Osylaısha elordalyq klýb qarsylasyna 2:4 esebimen ese jiberdi.

Endi «Barys» aldaǵy oıynyn 24 aqpanda elordada Reseıdiń «Lokomotıv» (ıAroslavl) komandasyna qarsy ótkizedi.

Eske salsaq, budan buryn «Barys» «Avangard» komandasynan jeńilip qaldy.

Atalǵan oıynnan keıin Qurlyqtyq hokkeı lıgasynyń turaqty kezeńi máresine jetip, pleı-off satysy bastalady. «Barys» qazir týrnır kestesinde 20-oryndy mise tutyp, jarystyń atalǵan satysyna shyǵýdan tys qaldy.

Foto: hcbarys.kz