Hokkeı: «Barys» «Sıbır» komandasymen kezdesedi

ASTANA. QazAqparat - Elordalyq «Barys» Qurlyqtyq hokkeı lıgasyndaǵy kezekti oıynyn elordada «Sıbır» (Novosıbırsk) klýbyna qarsy ótkizedi, dep habarlaıdy QazAqparat tilshisi.

Atalǵan oıyn elorda ýaqytymen 17:00-de bastalyp, «Qazsport» telearnasynan tikeleı efırde kórsetiledi.

Eki komanda buǵan deıin 43 márte kezdesti. Onyń 20-y «Barystyń» basymdyǵymen aıaqtalsa, qalǵanynda reseılik klýbtyń mereıi ústem boldy.

Qazir týrnır kestesinde úsh oıynnan bes upaıǵa qol jetkizgen «Barys» 19-orynda keledi. Al jeti oıynnan keıin 9 upaı jınaǵan «Sıbır» 10-orynǵa jaıǵasqan.

Sońǵy alty kezdesýdiń tórteýinde reseılik klýb jeńiske jetti. 2021 jyldyń 25 qyrkúıeginde elordada ótken oıynda «Barys» 2:1 esebimen basym tússe, sol jyldyń 26 qazanynda «Sıbır» óz aıdynynda býllıtten 4:3 esebimen tize búktirdi.

Eske salsaq, budan buryn «Barys» elordada «Avangardqa» ese jiberdi.