Hokkeı: «Barys» Sankt-Peterborda oısyraı utyldy
ASTANA. QazAqparat - Qurlyqtyq hokkeı lıgasynyń (QHL) kezekti kezdesýin Astananyń «Barysy» Sankt-Peterborda SKA komandasymen ótkizip, 1:9 esebimen utylyp qaldy, dep habarlaıdy «QazAqparat» tilshisi.
SKA kileń myqty hokkeıshilerden jasaqtalyp, QHL-da jekedara kósh bastap kele jatqan komanda bolǵandyqtan, birden oıyn tizginin qolǵa aldy. 5-mınýtta Nıkolaı Prohorkın esep ashsa, bir mınýt ótpeı jatyp, Evgenıı Ketov 2:0-ge jetkizdi. Sodan keıin Egor ıAkovlev pen Sergeı Plotnıkov mergendik tanytyp, birinshi kezeńde-aq SKA 4:0 esebimen alda turdy.
Reseılik tóreshilerdiń aıdyn ıelerine búıregi buratyny osy oıynda da kórinip turdy. Aldymen birinshi kezeńde 11-mınýtta Lınden Veıdiń soqqan shaıbasy Mettıý Frettın oıynnan tys qaldy degen sebeppen eseptelmedi. Al ekinshi kezeńde tóreshiler Talǵat Jaılaýov oıynnan tys qaldy degen jeleýmen durys soǵylǵan goldy eseptemeı tastady.
Úshinshi kezeńde aıdyn ıeleri qarqyndy qaıta kúsheıtti. Aldymen Sergeı Kalının kózge tússe, sosyn S.Plotnıkov pen N.Prohorkın taǵy bir-bir goldyń avtory atandy. Tek osydan keıin ǵana Lınden Veıdiń pasynan keıin «Barystyń» kapıtany Naıdjel Doýs bir ǵana shaıbany qarsylastyń qaqpasyna engizip, bıylǵy birinshiliktegi 30-ynshy golyn soqty. Budan keıin tóreshiler uzaq keńesip, Vadım Shıpachevtiń 57-mınýtta soqqan shaıbasyn sanady. Match aıaqtalýǵa sanaýly sekýndtar qalǵanda, ataqty reseılik shabýylshy Ilıa Kovalchýk oıyn núktesin qoıdy.
Osylaısha, astanalyqtar besinshi ret qatarynan jeńilis tapty. Shyǵys konferentsııasynda besinshi orynǵa syrǵyǵan «Barys» kelesi oıynyn 29 qarasha kúni ıAroslavl qalasynda jergilikti «Lokomotıvpen» ótkizedi. Sodan keıin Astanaǵa oralyp, 3 jáne 5 jeltoqsan kúnderi «Metallýrg» (Magnıtogorsk) pen «Traktor» (Chelıabi) komandalaryn qabyldaıdy.
