Hokkeı: «Barys» «Salavat ıÝlaevqa» ese jiberdi
NUR-SULTAN. QazAqparat - Qurlyqtyq hokkeı lıgasy aıasynda «Barys» búgin, 14 qańtarda elordada «Salavat ıÝlaev» (Qazan) komandasymen kezdesti, dep habarlaıdy QazAqparat tilshisi.
Komandalar týrnırdiń pleı-off kezeńine shyǵý maqsatynda bar kúshin salyp keledi. Aıta keteıik, «Barys» sońǵy 10 kezdesýdiń 7-de basymdyq tanytty. Al «Salavat ıÝlaev» sońǵy 10 oıynda nebári 3 ret qana jeńildi. Elordalyq klýb 49 upaımen 16 orynda tursa, «Salavat ıÝlaev» 58 upaımen 7 orynǵa jaıǵasqan.
Búgingi kezdesýde reseılik klýb sapynan Fılıp Larsen 13-mınýtta esep ashty. Odan keıin «Barys» hokkeıshileri Kırıll Panıýkov 22, ıAkob Lılıa 28, Nıkıta Mıhaılıs 29-mınýttarda mergendigimen kózge tústi. «Salavat ıÝlaev» oıynshylary Sakarı Mannınen 32, Djeff Plett 37, Aleksandr Alekseev 41-mınýttarda gol soǵyp ketti. Al Markýs Granlýnd 47-mınýtta «Salavat ıÝlaevtyń» basymdyǵyn arttyra tústi. Qorytyndy esepti 58-mınýtta reesılik hokkeıshi Petr Hohrıakov belgiledi. Oıynda «Barys» qarsylasynan 3:6 esebimen jeńilip qaldy.
Endi «Barys» elordada 17 qańtarda Reseıdiń «Amýr» (Habarovsk) komandasyn qabyldaıdy.
Esterińizge sala ketelik, «Barys» budan buryn «Ak Barstan» jeńilip qaldy.
