Hokkeı: «Barys» «Salavat ıÝlaev» komandasyna ese jiberip aldy

Bul kezdesýde elordalyqtar alań ıelerine 5:2 esebimen utyldy. Endi tórtinshi oıyn Ýfadaǵy muz aıdynynda 25 naýryzda ótedi. Al 27 naýryzdaǵy besinshi oıynda astanalyqtar «Salavat ıÝlaevty» óz alańynda qabyldaıdy. Aıta keteıik, pleı-offtyń kelesi kezeńine ótý úshin, «Barys» atalǵan komandamen tartysta tórt jeńiske qol jetkizýi tıis.

Budan buryn habarlanǵandaı, 21 jáne 22 naýryz kúnderi Astanada ótken eki oıynnyń qorytyndysy boıynsha qos komandanyń serııadaǵy esebi 1:1 boldy. Birinshi kezdesýde ýfalyqtar 2:3 esebimen utsa, ekinshisinde 5:2 esebimen «Barys» alǵa shyqqan bolatyn. Endi astanalyqtar búgingi kezdesýden utylǵannan keıin «Salavat ıÝlaev» serııada 2:1 esebimen alda kele jatyr.