Hokkeı: «Barys» reseılik «Neftehımık» komandasyn jeńdi
NUR-SULTAN. QazAqparat - Qurlyqtyq hokkeı lıgasy aıasynda elordalyq «Barys» búgin, 28 qańtarda elordada Reseıdiń «Neftehımık» (Nıjnekamsk) komandasymen kezdesti, dep habarlaıdy QazAqparat tilshisi.
Elordalyq hokkeıshiler búgingi oıynda jınaqy qımyl kórsetti. Nátıjesinde qarsylastarǵa erkin qımyldaýǵa múmkindik bergen joq. Esepti birinshi kezeńniń 19-mınýtynda «Barys» hokkeıshisi Dmıtrıı Shevchenko ashty.
Ekinshi kezeńde de qazaqstandyq komandanyń basymdyǵy aıqyn ańǵarylyp turdy. Oıynnyń 37-mınýtynda Egor Petýhov esepti ústemeleı tústi. Al 40-mınýtta «Barys» sapynan ıAkob Lılıa mergendik tanytty.
Sheshýshi sońǵy kezeńde de reseılik hokkeıshiler qazaqstandyq komandaǵa laıyqty kórsete alǵan joq. Kezekti shabýylynyń birinde 41-mınýta ıAkob Lılıa taǵy bir márte qaqpany dál kózdedi. Al 58-mınýtta reseılik hokkeıshi Denıel Býdaev qorytyndy esepte belgiledi. Oıynda «Barys» qarsylasynan 4:1 esebimen basym tústi.
Atalǵan jeńisten keıin qazaqstandyq komanda týrnır kestesinde burynńy 12-oryndy saqtap qaldy.
Endi «Barys» elordada Reseıdiń «Salavat ıÝlaev» (Ýfa) komandasyn qabyldaıdy.
Esterińizge sala ketelik, budan buryn «Barys» óz aıdynynda «Traktordan» jeńilip qaldy.
