Hokkeı: «Barys» Reseıde «Metallýrg» komandasynan jeńildi

ASTANA. QazAqparat – «Barys» Qurlyqtyq hokkeı lıgasyndaǵy kezekti oıynyn búgin Reseıde «Metallýrg» (Magnıtogorsk) komandasyna qarsy ótkizdi, dep habarlaıdy QazAqparat tilshisi.

Buǵan deıin qatarynay eki márte jeńiske jetken «Barys» atalǵan kezdesýde de úsh upaı oljalaýǵa tyrysty.

Nátıjesinde olardyń qatarynan 7-mınýtta Djeremı Brakko esep ashty.

Alǵashqy kezeńde reseılik hokkeıshiler tarazy basyn teńestirýge umtylǵan edi. Soǵan qaramastan tablodaǵy esep ózgerissiz qaldy.

Ekinshi kezeń bastala salysymen reseılik komanda sapynan Andreı Chıbısov 21-mınýtta kózdegen nysanadan múlt ketken joq.

Oıynnyń negizgi kezeńi 1:1 esebimen teń aıaqtalyp, oıyn overtaımǵa ulasty. Overtaımda «Metallýrg» hokkeıshisi Denıs Zernov óz komandasyna jeńis syılady.

Endi «Barys» 25 qańtarda elordada Reseıdiń «Severstal» (Cherepovets) komandasyna qarsy ótkizedi.

Eske salsaq, budan buryn «Barys» Reseıde «Avtomobılıst» komandasynan basym túsken bolatyn.