Hokkeı: «Barys» Reseıde «Lokomotıvten» basym tústi
ASTANA. QazAqparat - Elordalyq «Barys» Qurlyqtyq hokkeı lıgasyndaǵy kezekti oıynyn Reseıde «Lokomotıv» (ıAroslavl) klýbyna qarsy ótkizdi, dep habarlaıdy QazAqparat tilshisi.
Eki komanda buǵan deıin 25 márte kezdesti. Onyń 8-i «Barystyń» basymdyǵymen aıaqtalsa, qalǵanynda reseılik klýbtyń mereıi ústem boldy.
Qazir týrnır kestesinde on oıynnan 9 upaıǵa qol jetkizgen «Barys» 16-orynda keledi. Al on oıynnan keıin 13 upaı jınaǵan «Avtomobılıst» 8-orynǵa jaıǵasqan.
Eki komanda tartysty oıyn ótkizdi. Birinshi jáne ekinshi kezeńde bir-biriniń qaqpasynan sańylaý taba alǵan joq.
Tóreshiler bul kezeńderde qazaqstandyq klýb hokkeıshilerin jıi aıdynnan qýdy. Soǵan qaramastan «Barys» óz qaqpasyn goldan aman saqtaı aldy.
Úshinshi kezeńde de tablodaǵy esep ózgergen joq. Osylaısha esep 0:0 esebimen aıaqtalyp, oıyn overtaımǵa ulasty. Overtmaıda da esep ózgerissiz qaldy. Býllıtte «Barys» jeńiske jetti.
Endi «Barys» aldaǵy oıynyn 28 qyrkúıekte Reseıde «Spartak» (Máskeý) komandasyna qarsy ótkizedi.
Eske salsaq, budan buryn elordalyq klýb Reseıde «Severstal» (Cherepovets) klýbyna jol berdi.
