Hokkeı: «Barys» Reseıde «Ak Bars» komandasynan jeńildi

ASTANA. QazAqparat – «Barys» Qurlyqtyq hokkeı lıgasyndaǵy kezekti oıynyn búgin Reseıde «Ak Bars» (Qazan) komandasyna qarsy ótkizdi, dep habarlaıdy QazAqparat tilshisi.

Elordalyq hokkeıshiler pleı-off satysyna shyǵýdy qalaıdy. Sondyqtan olar úshin árbir oıynnyń mańyzy artyp tur. Al týrnır kestesinde «Ak Bars» 8-orynǵa jaıǵasqan.

Kezdesýdiń alǵashqy mınýtynan qos komanda birden shabýyl shebinde boı kórsetti. Reseılik hokkeıshiler jyldam gol soǵý múmkindigin izdedi. Nátıjesinde 11-mınýtta «Ak Bars» hokkeıshisi Dmıtrıı Voronkov komandasyn alǵa shyǵardy.

Atalǵan goldan keıin «Barys» tarazy basyn teńestirýge umtylǵan edi. Kóp uzamaı oılaǵandary júzege asty. Elordalyq klýb sapynan Anton Sagadeev 18-mınýtta kózdegen nysanadan múlt ketken joq.

Oıynnyń 42-mınýtynda reseılik klýbtan Mıhaıl Glýhov jeńis shaıbasyn soqty.

Osylaısha «Barys» qarsylasyna 1:2 esebimen jol berdi.

Endi «Barys» aldaǵy oıynyn 3 aqpanda Reesıdiń «Dınamo» (Máskeý) komandasyna qarsy ótkizedi.

Eske salsaq, budan buryn «Barys» elordada reseılik «Dınamodan» jeńilip qaldy.