HOKKEI: «Barys» Prezıdent Kýboginiń fınalynda «Avangardtan» jeńilip qaldy
ASTANA. QazAqparat - Astanalyq "Barys" hokkeı klýby Qazaqstan Prezıdenti Kýboginiń fınalynda "Avangardtan" jeńilis tapty.
Astanadaǵy "Qazaqstan" sport saraıynda ótken match 5:3 (0:0, 3:1, 2:2) esebimen aıaqtaldy.
Qos komanda oıyndaǵy esepti tek ekinshi taımda asha aldy, 24-shi mınýtta alǵashqy goldy Evgenıı Rymarevtiń arqasynda "Barys" saldy. Degenmen qonaqtar ekinshi taımnyń sońyna deıin esepti teńestirip qana qoımaı, alǵa shyǵyp úlgerdi. Aldymen Kırıll Semenov (29-shy mınýt) kózge tússe, keıin Tom Vandell (37-shi mınýt) óz komandasyn alǵa jeteledi. Al taımnyń sońǵy sekýndtarynda Vladımır Pervýshın astanalyqtarǵa úshinshi shaıbany toǵytyp ketti.
Sońǵy taımda "Barys" qaqpashysy ıAn Latso taǵy bir shaıba ótkizip aldy. Oıynnyń 42-shi mınýtynda tirkelgen goldyń avtory - Denıs Parshın. 49-shy mınýtta Kevın Dallmen "Barys" sapyna oralǵannan keıingi alǵashqy golyn salýǵa múmkindik aldy. Biraq kóp uzamaı Aleksandr Popov "Avangard" enshisine besinshi goldy qosty.
"Barystyń" shabýylshysy Dastın Boıd kezdesýdiń 57-shi mınýtynda esepti 5:3-ke jetkizdi. Osylaısha, "Avangard" QR Prezıdenti Kýboginiń jeńimpazy atandy.
