Hokkeı: «Barys» pleı-off oıyndaryn bastaıdy
ASTANA. 21 aqpan. QazAqparat - Búgin astanalyq «Barys» hokkeı klýby Reseıdiń Chelıabi qalasynda Qurlyqtyq hokkeı lıgasy aıasyndaǵy alǵashqy pleı-off oıynyn ótkizedi. Ol jerde bizdiń hokkeıshiler jergilikti «Traktor» komandasymen kezdesedi.
Komandalar aqpannyń 21-22-si, sodan soń aqpannyń 25-26-sy kúnderi oınaıdy. Ekeýiniń bireýi tórt ret qatarynan jeńiske jetýi tıis. Sonda utylǵan komanda pleı-off oıyndarynan shyǵady. Al aqpannyń 21-26-sy kúnderi jeńimpaz anyqtalmaıtyn bolsa, naýryzdyń 1-5-si kúnderi aralyǵynda qosymsha úsh match uıymdastyrylady.
Aıta keteıik, «Barys» komandasynyń qatysýymen ótetin pleı-off oıyndarynyń barlyǵy Astana ýaqyty boıynsha keshki saǵat 19:00-de kórsetiledi. Ony «Astana» telearnasynan tikeleı efır arqyly kórýge bolady.
