Hokkeı: «Barys» pleı-off kezeńine joldama aldy
NUR-SULTAN. QazAqparat - Qurlyqtyq hokkeı lıgasy aıasynda elordalyq «Barys» búgin, 5 aqpanda Reseıde «Cıbır» (Novosibir) komandasymen kezdesti, dep habarlaıdy QazAqparat tilshisi.
Pleı-off kezeńi jaqyndap keledi. Komandalar oǵan shyǵýǵa kúsh salyp otyr. «Barys» ta bıyl solardyń qataryna qosylýǵa nıet tanytyp júrgen jaıy bar. Elordalyq klýb sońǵy bes kezdesýdiń tórteýinde jeńilip qaldy. Bul týrnır kestesinde joǵary orynǵa kóterilýge edáýir kedergisin keltiretini anyq.
Sondyqtan «Barys» búgingi kezdesýde jınaqy oıyn kórsetýge tyrysty. Alaıda, alǵashqy eki shaıbany aıdyn ıeleri soǵyp ketti. «Cıbır» sapynan ıÝrkı Iokıpakka 14, Vıktor Komarov 23-mınýttarda mergendigimen kózge tústi.
Oǵan «Barys» sapynan Maksım Mýsorov 24, Kırıll Panıýkov 46-mınýttarda qos golmen jaýap qaıyrdy. Osylaısha tarazy basy teńesti. Al 48-mınýtta Djessı Bleker elordalyq klýbty alǵa shyǵardy.
Osylaısha «Barys» qarsylasynan 3:2 esebimen basym tústi. Qazaqstandyq klýb pleı-off kezeńine joldama aldy.
Endi «Barys» 7 aqpanda Reseıde «Metallýrg» (Magnıtogorsk) komandasymen kezdesedi. Qazaqstandyq komanda atalǵan qarsylasynan 3 aqpanda 1:3 esebimen jeńilip qalǵan edi.
