Hokkeı: «Barys» óz aıdynynda «Traktordan» jeńilip qaldy
NUR-SULTAN. QazAqparat - Qurlyqtyq hokkeı lıgasy aıasynda elordalyq «Barys» búgin, 26 qańtarda elordada Reseıdiń «Traktor» (Chelıabınsk) komandasymen kezdesti, dep habarlaıdy QazAqparat tilshisi.
Eki komanda týrnır kestesinde qatarlas keledi. Ekeýiniń de enshisinde 57 upaıdan bar bolatyn. Sondyqtan búgin jeńiske jetkeni týrnır kestesindegi jaǵdaıyn jaqsartatyn edi.
Esepti alǵashqy bolyp «Traktor» komandasy ashty. Oıynnyń 11-mınýtynda reseılik Alekseı Byvaltsev mergendigimen kózge tústi.
Ekinshi kezeńniń 32-mınýtynda «Barys» sapynan Egor Petýhov tarazy basyn teńestirdi. Odan keıin «Traktor» hokkeıshileri Sergeı Kalının 33, Vıtalıı Kravtsov 34-mınýtynda qos goldyń avtory atandy.
Al úshinshi kezeńde elordalyq hokkeıshiler alǵa qaraı umtyldy. Nátıjesinde 51-mınýtta Valerıı Orehov esep aıyrmasyn qysqartty.
Kezdesýde elordalyq klýb qarsylasyna 2:3 esebimen jeńilip qaldy.
Endi «Barys» elordada 28 qańtarda Reseıdiń «Neftehımık» (Nıjnekamsk) komandasyn qabyldaıdy.
Esterińizge sala ketelik, budan buryn «Barys» «Vıtıaz» klýbynan basym tústi.
