Hokkeı: «Barys» óz aıdynynda «Torpedo» komandasymen tartysqa túsedi
ASTANA. 27 jeltoqsan. QazAqparat - Búgin Qurlyqtyq hokkeı lıgasy aıasynda Astanada «Barys» komandasy men nıjegorodtyq «Torpedo» tartysqa túsetin bolady.
Búginde QHL kestesinde «Torpedo» hokkeıshileri Batys konferentsııasynda 55 upaımen 5 orynda tur. Al elordalyq «Barys» 56 upaımen Shyǵys konferentsııasynda 7 orynda turaqtady.
Osynyń aldyndaǵy oıynda nıjegorodtyq komanda Chelıabınskiniń «Traktoryna» 0:2 esebimen utylǵan bolatyn. Al «Barys» máskeýlik «Dınamony» aıqyn basymdyqpen jeńdi.
QHL aıasynda búgingi qarsylastar 9 ret kezdesip, onyń altaýynda astanalyqtar utqan edi. Aǵymdaǵy maýsymnyń basynda olar Nıjnıı Novgorodta tartysqa túsip, elordalyq komanda 1:0 esebimen basym tústi.
