Hokkeı: «Barys» óz aıdynynda «Neftehımıkten» utylyp qaldy
ASTANA. QazAqparat - Qurlyqtyq hokkeı lıgasynda (QHL) óner kórsetetin Astananyń «Barysy» óz aıdynynda «Neftehımık» (Nıjnekamsk) komandasyn qabyldap, 0:4 esebimen jeńilip qaldy, dep habarlaıdy «QazAqparat» tilshisi.
Buryn «Barysty» baptaǵan Andreı Nazarov jattyqtyratyn «Neftehımık» komandasy 76 upaımen Shyǵys konferentsııasynda úshinshi orynda tursa, elordalyqtar 63 upaımen jetinshi satyǵa túsip qalǵan bolatyn. Sondyqtan bul kezdesýdiń tartysty óteri anyq-ty.
Birinshi kezeńde aldymen «Neftehımık», sodan keıin astanalyqtar ońtaıly sátterdi paıdalana almady. Sóıtip esep ashylǵan joq.
Ekinshi kezeń barysynda aıdyn ıeleri eki ret san basymdylyǵyn paıdalana almady. Sodan keıin astanalyq Pavel Akolzın shaıbadan aıyrylyp qalyp, qarymta shabýyl kezinde qaqpaǵa jekedara shyqqan Emıl Galımov Henrık Karllsonnan aılasyn asyryp ketti.
Úshinshi, sheshýshi kezeńde «Neftehımıktiń» asyǵy alshysynan tústi. Aldymen 43-mınýtta Dennıs Eververg mergendik tanytty. Sosyn «Barys» hokkeıshileri san basymdylyǵyn paıdalanyp, gol soǵýdyń ornyna ózderi eki márte óreskel qatelesti. Aldymen Ildar Shıksatdarov H.Karllsonmen jekedara shyǵyp, qaqpa buryshyn dál kózdedi. Sodan keıin Bogdan ıAkımov dál osyndaı jaǵdaıda esepti 4:0-ge jetkizdi.
Osylaısha, azýsyzdyq tanytyp, jıi qatelesken Evgenıı Koreshkovtyń shákirtteri óz aıdynynda iri eseppen jeńilip qaldy.
Aıta keteıik, «Barys» aldaǵy oıynyn 25 jeltoqsan kúni Astanada ózimen úzeńgi qaǵysyp kele jatqan «Salavat ıÝlaev» (Ýfa) komandasymen ótkizedi.
