Hokkeı: «Barys» óz aıdynynda «Admıraldy» tize búktirdi
ASTANA.QazAqparat - «Barys» bıylǵy jyldyń óz aıdynyndaǵy sońǵy kezdesýinde Vladıvostoktyń «Admıral» komandasyn qabyldap, jeńiske jetti, dep habarlaıdy QazAqparat tilshisi.
Astanalyqtar QHL-dyń Shyǵys konferentsııasynda besinshi orynda kele jatsa, «Admıral» kósh sońynda qalǵan klýb edi.
Soǵan qaramastan, elordalyqtarǵa jeńis ońaılyqpen kelgen joq. 4-mınýtta san basymdylyǵyn paıdalanǵan Roman Starchenko Andre Petersson men Darren Dıtstiń kómegimen esep ashty. 9-mınýtta Dastın Boıd (pas bergen Kertıs Volk pen Mettıý Frettın) dál osyndaı múmkindikti múlt jibergen joq. Alaıda sodan keıin qonaqtardan Egor ıAkovlev, Denıs Vıharev, Karel Kýbat mergendik tanytyp, «Admıraldy» alǵa shyǵardy. Budan keıin «Barystyń» bas bapkeri Andreı Skabelkanyń qaqpashy Domınık Grahovınanyń ornyna Henrık Karlssondy shyǵarýyna týra keldi. Abyroı bolǵanda, Andre Petersson Patrıs Korme men Vıktor Svedbergtiń járdemimen tarazy basyn teńestire aldy.
Ekinshi kezeńde esep ózgergen joq. Úshinshi, sheshýshi kezeńde M.Frettın Darren Dıts pen Alekseı Maklıýkovtyń pasynan keıin jeńis golyn soqty.
Osylaısha «Barys» 4:3 esebimen qarsylasyn tize búktirip, 56 upaımen Shyǵys konferentsııasynda burynǵysynsha besinshi orynda keledi.
A.Skabelkanyń shákirtteri aldaǵy kezdesýlerin 28 jeltoqsanda Chelıabi qalasynda «Traktormen», 30-ynda Ombyda «Avangardpen» ótkizedi. Bul ekeýi de osal qarsylas emes. Qazir «Traktor»39 upaımen Shyǵys konferentsııasynda segizinshi satyda tur. Olar pleı-off kezeńine shyǵýǵa múmkindik beretin úzdik segizdikke iligý úshin baryn salatyny anyq. Al «Avangard» - kósh basyna talasyp júrgen komandanyń biri.
Eske sala keteıik, budan buryn «Barystyń» óz aıdynynda ıAroslavldiń «Lokomotıvinen» jeńilip qalǵanyn jazǵan bolatynbyz.
