Hokkeı: «Barys» óz alańynda «Traktordan» basym tústi
ASTANA. 4 naýryz. QazAqparat - Keshe, 3 aqpanda astanalyq «Barys» hokkeı klýby óz alańynda «Traktor» komandasyn jeńip, tarazy basyn teńestirdi.
Qurlyqtyq hokkeı lıgasynyń pleı-off oıyndary aıasynda «Traktormen» alty ret kezdesken «Barys» hokkeıshileri buǵan deıin eki ret utyp, úsh ret qatarynan jeńilgen bolatyn. Kelesi aınalymǵa ótý úshin «Traktorǵa» keshegi oıynda jeńip, taǵy bir upaıdy oljalaýy kerek edi. Alaıda «Barys» berisken joq. Oıynnyń eki kezeńinde qarsylastar alǵa shyqsa da, astanalyq hokkeıshiler tarazy basyn teńestirip otyrdy. Al úshinshi kezeńde Talǵat Jaılaýovtyń tamasha pasyn sheber qoldana bilgen Fedor Polışýk óz komandasyn alǵa shyǵardy. Esep 3:2. Osydan keıin bizdiń hokkeıshiler qorǵanysqa kóshti. Al «Traktor» adýyndy shabýyldaryn údetti. Biraq «Barystyń» qorǵanys shebin buza almady. Jas qaqpashy Pavel Polýektov ta qarsylastardyń shaıbalaryn sheber ustaı bildi. Oıynnyń sońǵy mınýttarynda «Traktor» óz qaqpasyn bos qaldyryp, altynshy oıynshyny shyǵardy. Sol-aq eken, «Barystyń» shabýylshysy Naıdjel Doýstyń alystan baǵyttaǵan soqqysy «Traktordyń» qaqpasyna dál tıdi. Esep 4:2. Osy oıynnan keıin eki komandanyń jalpy upaı sany teńesti - 3:3. Naýryzdyń 5-si kúni Chelıabi qalasynda ótetin oıynda pleı-offtyń jeńimpazy anyqtalady.
