Hokkeı: «Barys» óz alańynda «Neftehımıkti» oısyrata utty

Oıynnyń basynda «Barystyń» jas hokkeıshisi Konstantın Romanov esepti ashyp, óz komandasyn alǵa shyǵardy. Úsh mınýt ótpeı, «Neftehımık» tarazy basyn teńestirdi. Biraq odan asa almady. Birinshi kezeń aıaqtalǵansha, «Barystyń» hokkeıshileri qarsylastar qaqpasyna taǵy bir shaıbany salyp úlgerdi. Al ekinshi kezeńde eki ret qaqpashyny qapy qaldyrdy. Osy joly Konstantın Romanov dýbldyń, ıaǵnı eki shaıbanyń avtory atandy. Al matchtyń úshinshi kezeńinde Roman Starchenko komandanyń basymdyǵyn ulǵaıta tústi. Qorytyndy esep - 5:1.

Keshegi oıynnan keıin «Barys» 49 upaımen tatardyń «Aq Barsyn» (47) artqa tastap, Qurlyqtyq hokkeı lıgasynyń jalpy týrnırlik kestesinde úshinshi orynǵa shyqty. Onyń aldynda «SKA» (53 upaı) jáne «Dınamo» (50 upaı) tur.